One Day Workshop on Elderly Issues at Darlawn (RRTC)
Regional Resource Training Centre RRTC for Senior Citizens, Ministry of Social Justice and Empowerment leh BDO Darlawn ten Ni 9th January 2025 dar 10:30 khan Darlawn VC Hall ah MUP - Darlawn, Ratu, Khawruhlian, Sakawrdai leh Zohmun area te sawm in One Day Workshop on Elderly Issues neih a ni. Hemi hunah hian MUP member 140 chuang an rawn kal khawm thei a ni. He program ah hian kum upate tana hriattur pawimawh digital literacy leh hriselna lam kaihhnawih in zirtirna leh sawi ho na neih a ni. Hemi hunah hian Esther Lalthachawii RRTC Director hnen atangin Digital literacy chungchang zir ho na hun hman a ni a, tunlai internet leh mobile phone kal tlanga in bumna thleng thei chungchang sawi ho niin a inven dan turte in hrilh hriatna neih a ni bawk.
MFM hnuaia GDA trainer Gabriel Lalhriattiri’n upate natna tlanglawn BP sang, zunthlum leh a kaihhnawih thil te zirtirna a pe bawk a ni.
He program hun tawp khar nan Venghlun MUP President Pu R. Lalbuanga tawngtaina in hun tawp a khar a ni