Hulhliap 2nd Batch skill training tan ani
November ni 3 khan HULHLIAP – SHORT STAY CENTRE hnuai a Skill training batch hnihna chu MFM Skill Training Centre, Dawpui Vengthar ah Pi Lalzarmawii I.A.S, Commissioner & Secretary, SW&WCD, in a hawng. He batch ah hian Hulhliap Short Centre chhuak mi 63 inziak lutin, Aluminium Fabrication zir tur mi 33, Assistant Electrician mi 28 leh Plumber General zir tur mi 2 an awm a ni.
Pu Lalnunhlua, Additional Secretary, SW&WCD & Convener, Task Group on Aftercare, Skill Training & Handholding, Hulhliap-SSC in inkhawm a kaihruaia. Chief guest chuan training tur te chu an hma lam hunah duhsakna hlanin, an thiamthil zir te chu eizawnna tlaka thiam tum tlat turin a fuih a. Pu Lalramchuanzela, Executive Director, Mission Foundation Movement in training kalpui dan tlangpui report a pe bawk a ni.
September thla khan mi batch khatna zawh a lo ni tawh a, HULHLIAP – SHORT STAY CENTRE chhuak mi 45 in an lo zirchhuak tawh bawk a ni.